Khut ka MSWDA ya ki Higher wa Secondary School ki wym pu em yoh ya ka Grant-In-Aid wow wan cha ka yalang ha Jowai

Ka seiñ wa tip kam ka Meghalaya Schools Welfare Development Association da khut ko ya ki President, Secretary, Headmaster wa ki Headmistress ki skur wa em ha East wa West Jaiñtia Hills wow wan cha ka Meeting wa daw pynman ha ka 4 tarik u July 2026 heipor 12:30 pyrdi sngi ha Ladthadlaboh Secondary School, Jowai wa em ha Madan Dai Masi.

Ha kani ka Meeting daw yaklam heiyatoh wa ki Secondary wa Higher Secondary School ki wym pu em yoh ya kawon kawon ka Grant-In-Aid kamjooh kiwa dang yoh du ya ki Science Grant ha ki Secondary.

U pynche leh heiyatoh wa i yachem ka Association wa u Symbood Montri Rangbah, u Prestone Tynsong deiwa emlang u Commissioner & Secretary ka chnat Education.

Kiwi de ki phang wow yaklam toh ki phang wa em ha ka Memorandum wa da e cha ka sorkar ha ka 14-04-26.

Daw yaklam leh yei pynkhlan yei krehkaam ka Association ha East wa West Jaiñtia Hills District.

Related posts

Sñiawngooh ka JSM wa da rai ka JHADC wow chna ya ka aiñ neibynta ki kur ki jait

June 27, 2026

Pynthymme ka FKJGP ya ka Shangpung Unit

June 27, 2026

Ka Association da khut ko leh wow wanlang kiwa sikai yong ki Permitted Secondary wa Higher Secondary School kiwa da yoh du ya ka Science Grant wa ki wym pu em yoh ya kawon kawon ka Grant-In-Aid.

Yow tip bniah ye phi wow Phone ha kini ki Number-7005778473 wa 6009778861.