Kam chibynta wow sneiñ ya kiwa uiñke suwari kiwa pynemkaam da ki kari wow lai cha ki thaw wym toh u lai kam cha ki thaw wa man kam ki Ecologically Sensitive Area nadooh ki nan wa ki wah wa em hapoh Ladakh, neiliang ka Ladakh Administration hei phah leh u Lt. Governor, u VK Saxena hei sien wa nyngong da pynchitom wei da pynnagat da ka kuna kawa heh ya kiwa yah kari khlem akor.
Ha ka 26 tarik uni u bnai ka Wildlife Department ka Ladakh da pynngat ko da ka kuna kawa Rs. 50,000 kawi ka chaka neibynta waroh soo tylli ki chaka neibynta ki tre kari kiwa mar samen kiwa wan na Himachal Pradesh, Chandigarh, Punjab wa Uttar Pradesh kiwa da lai yah ya ka kari ki pyrchah ya ka aiñ ha Pangong Lake wa kiwi de ki thaw wa da yada kiwa man kam ki Protected Zones ha Changthang wa Nubra ha kini ki sngi wa dep.
Ka kuna dapoi ko Rs. 2 lak kawi ka kari wei da man ko leh ka sien wa nyngkong wa da pynkrehkaam deiwa khor ka kuna pyrchah ya ki bru wa leh ya kini ki kaam.
Da pyntip wa ha ka 23 tarik uni u bnai kawi ka kari Mahindra Thar kawa em Number PB-11DD-7773 da yah ka deiwa psiah chapoh ka Pangong Lake dei thmu wow leh Stunt.
Ha ka 21 tarik won kawi ka kari Hyundai Creta wa em Number UP-81DD-4592 da yoo wa lai ko narood ka Pangong Lake deiwa psiah leh chapoh ka Changthang Cold Desert Wildlife Sanctuary.
Ha ka 20 tarik won kawi ka Mahindra Thar wa em Number PB-65BL-8698 da lai ko lyngba ka wah khian hapoh ka Karakoram (Nubra-Shayok) Wildlife Sanctuary.
Ha ka 17 tarik won kawi ka kari Toyota Fortuner wa em Number HP-37H-7888 da psiah ko chapoh ka Nurbo La iwa em hapoh ka Changthang Cold Desert Wildlife Sanctuary deiwa kdong ya kawi ka skai (Tibetan Gazelle).
Ya kini waroh da yoh wow kem ki deilang ka kari wei da pynlait ya ka kari ki hadien wa su ki ka kuna kawa kheiñ hei dor wa Rs. 50,000 kawi ka chaka.
Discussion about this post