Ka sorkar Meghalaya lyngba ka Home (Political) Department da pyntip ko wa da chna biang ko ya ki le tylli ki Regional Committee yow pynbait ya ki 6 tylli ki thaw wa ya kajia pood kitæ ka Langpih ha West Khasi Hills; Borduar, Nongwah-Mawtamur, Deshdoomreah, Block-II wa em ha Ri-Bhoi wa ka Block-I, Psiar-Khanduli ha West Jaiñtia Hills District.
Ya ka Regional Committee ka Ri-Bhoi District u khlieh da u Prestone Tynsong, Deputy CM kam u Chairperson deilang u Sosthenes Sohtun, Minister, u Mayralborn Syiem, MLA, u Damanbait Lamare, MLA, u Charles Marngar, MLA, u Denzil Raynard Chen, EM KHADC kam ki Member wa u Deputy Commissioner ka Ri-Bhoi District kam u Member Convenor.
Ya ka Regional Committee ka West Khasi Hills u khlieh da u Metbah Lyngdoh, Minister kam u Chairperson deilang u Methodius Dkhar, Minister, u R.L. Tongkhar, MLA, u Remington Gabil Momin, MLA, u Winston Tony Lyngdoh, CEM KHADC, u Lurshai Kharbani, MDC kam ki Member wa u Deputy Commissioner ka West Khasi Hills kam u Member Convenor.
Ya ka Regional Committee ka West Jaiñtia Hills u khlieh da u Sniawbhalang Dhar, Deputy CM kam u Chairperson, u Lahkmen Rymbui, Minister, u Comingone Ymbon, MLA, u Nujorki Sungoh, MLA, u Thombor Shiwat, CEM JHADC, u Aiborlang Shadap, MDC wa u Deputy Commissioner ka West Jaiñtia Hills District kam u Member Convenor.
Kini ki le tylli ki Regional Committee u ya krehlang ki wa ki Regional Committee wa da thung da ka sorkar Assam.
Hap ki leh wow pyntikna yei pyrtuid ki chnong kiwa da kam da ka Meghalaya wa ki pyrtuid ki chnong kiwa em hapoh ka sorkar Asaam katkam ki kot ki sla.
U pyntikna ki leh yei heh i kmai ki chnong nadooh neiwon sdang wei hadooh heiwon kut, katwon ngut kiwa chong chnong deiwa lai hiar leh cha kini ki chnong yow yachem wa kiwa chong chnong yow ap u sñiaw yeiwa kwah kini kiwa chong chnong.
Hap ki leh wow pait yei parom yongrim kini ki chnong, kitu ki jaitbru wa chong wa sah.
Kini ki Committee hap ki wow phah ya ki Report yong ki cha ka sorkar Meghalaya hapoh 45 sngi nadooh myntu ka sngi.
Discussion about this post