Kawi ka manyung na India da chah pynbaad ko wa thombor wei maham ya kiwa kreh ka Restaurant ha Vietnam hadien wa kiwa kreh da kyrpaad ki wow khang ya ki khon ki u noh taroi ya ki Tissue Paper.
Ini da jia i ha i dukan ‘Bombay Bites’ ha Ho Chi Minh City, Vietnam heiwa katkam i Video CCTV, ka tre dukan kawa man ka Aishwarya Khanna Singh da ong ko wa kiwa kreh da kyrpaad ki ya ka manyung wow khang ya ki khon u pyntaroi ya i dukan.
Ha i Video da yoo ya kini ki khynnah wa da sai ki ya ki Tissue wei da brait ki ya ki ha madan wei da noh ki leh ya ki klas wa ki pliang cha madan.
I awri da sdang i heipor wa uwi u bru wa man leh u pa kini ki khynnah da sdang awri u ya kiwa kreh i dukan heiwa da chim u ya ka klas wei da noh u ka ha madan.
Uni u bru da sdang u wow tia chaphrang wow ngiat ya kiwa kreh chwa wow wan kawi ka bru wow pynjaijai ya ki.
Ka Singh da ong ko wa heithaw wow krehlang da sdang pathan ki wow maham wei tympiah yei dukan deiwa kam wa toh ki Influencer.
Discussion about this post