Kyntu ka Seiñraij Jowai yei krehlang yong waroh wow man ka Behdieñkhlam wa lai bait | Da khut ya u Himanta

Ynne ka sngi u President ka Seiñraij Jowai, u Hercules Toi hawa yaklam wa kiwa pathai khubor da ong u wa ka Behdieñkhlam 2026 u man ko ha ka 6 tarik u July hadooh 9 tarik u July deiwa khut ya waroh wow chimbynta ha ka.

Neiliang u Dolloi, u Puramon Kynjing da e khublei u ya waroh ha ki snem wa dadep wa emlang heiwa da ye u pyndep ya ka Chaad Niam Behdieñkhlam deiwa khutlang ya waroh wow e mynsien ya ki khon ka Niamtre wow ye u pynlai bait pynlai ryntih ya ka Behdieñkhlam.

Da ong u wa daw em i khang ya ki luti, ki yaaw ki haat, ki thaw pynyieñ kari deiwa e ngooh ya u Blai wow wan e yei kyrkhu ya waroh ha ki por wow wan wow yoh chiboon i myntoi.

Chooh chooh da kyntu u ya ki paidbah wa wan cha ka Behdieñkhlam deiwa pynduna yei wanrah ya ki kari cha ki thaw wa pynman ya ka Chaad Niam Behdieñkhlam.

Related posts

Khut ka Elite Private Security Agency kawa em ha Jowai cha ka Training man Security Guard

July 2, 2026

Phah ka sorkar India ya ka WhatsApp wow sangeh chwa wow e laad u jied ki bru yei pyrtuid wa pynemkaam

July 2, 2026

Da kyrmen u wa ka Behdieñkhlam ha uni u snem u wanrah ko yei kyrkhu neibynta wow wanrah yei suk, u beh yei kjut i sam, i sñiaw yaphær ha ka niam, jaitbru, i yaphær ha i sñiaw hei yoh i laa kamjooh wow yada ya ka mariang dei wym pyntaroi ya ka.

U General Secretary ka Seiñraij, u Arwotki Sumer da ong u wa i pynkhreh neibynta ka Behdieñkhlam da man iwa lai bait chaaid chaaid, deiwa e khublei ya waroh ki chnat sorkar wa da krehlang ki wow pynphooh ya ka Behdieñkhlam.

Da pyntip u leh wa ha uni u snem da khut ya u Chief Minister ka Assam, u Himanta Biswa Sarma wow wan sakhi u ya ka ha ka 9 tarik deiwa ong wa i khut ya oo da yooluti wow wanrah i yei maya wei burom hapyrdi ki bru na ki ar jylla.

Neiliang u Asst. Secretary ka Seiñraij, u Wyraiki Kharbuki da khana u ya ki rukom pynlai kari kamjooh ki sarin ka Lehniam ha ka 9 tarik.