Lada ha synrang u yieñ… ham man kiwa tieñ,
Lada kyrbeh phi leh … yei mynsien u pynchkeh,
Yei wa cha khmat ong nga u wym swe,
Hanla duk phi u sapdong da’u tylle.
I leh u tieñ… ham jooh randien,
Chaphrang u toor… lada haap la oor,
Dap maiñ i man ha ki kaam samen,
Waitlam u rah daka wym tip u len.
Yei wa klam ki bru… ham kwah u sa’u,
Ym yoh myntoi… cheiwon cheiwon ym poi,
I wa em ha mynsien to leh yeitæ,
Yow lait u man kiwa chah chakæ.
Lada ong phi to… ham kylla yutang mo!
Lada ong phi ohoh… yei bakla ham boh,
Dei wa chisur i sñiaw chidur i man,
Laha pyrdi i khoo, dohyap u ky’an.
Kyrsu ya kiwi… haap khai chwa phi,
Ha chwa u klam… pynchong ñia yaki yutang,
Ban daka masi wa loor dang duk u chare,
Ham sarong i man ya kylla u pa’sbe.
Hawa ym biang… ya kiwi leh pdiang,
Hawa da dap… ham pynboon r’tap,
Yei mon i sñiaw yong phi ym ye u tip,
Hawa yoo wa saklooid u seh chalit.
Discussion about this post