Dang ye u kylliang ya ka poisa Rs. 2000

Hadien kamwa palat le snem wa pynbna ka Reserve Bank of India (RBI) wow pyndam noh ya ka poisa kot wa Rs. 2,000, kani ka poisa dang emdor hi ko hadooh katni.

Hanla boon na ki poisa dapoi ki cha ki Bank, ka RBI da ban ko wa ki paidbah dang ye ki wow kylliang næ pynuiñ ya ki ha ki thaw wa da booh namo ki Issue Office.

Ka RBI da ong ko wa ka poisa kot Rs 2,000 da duna bha ki nadooh wa pyndam ya ka ha u May 2023 heiwa 98.47% na ki da poi i cha ka RBI.

Heipor wa pyndam ya ka poisa kot Rs 2,000 ha u May 2023, kani ka poisa wa em ha ki paidbah da kynjoh ko Rs. 3.56 lak klur.

Kat hadooh ka 30 tarik u April 2026, ka poisa dang em ko Rs. 5,451 klur ha ki paidbah, iwa pynyoo wa 98.47% na ki poisa kot Rs 2,000 da poi ki cha ka RBI.

Ya kini ki poisa kot Rs 2,000 dang ye u kylliang næ pynuiñ ka ha ki 19 tylli ki Issue Office ka RBI. Ki bru ye ki wow lai cha kini ki Office wow kylliang ya ka poisa kot Rs 2,000.

Kini ki Office em ki ha kini ki sor ha wah:

Ahmedabad

Bengaluru

Belapur (Navi Mumbai)

Bhopal

Bhubaneswar

Chandigarh

Chennai

Guwahati

Hyderabad

Jaipur

Jammu

Kanpur

Kolkata

Lucknow

Mumbai

Nagpur

New Delhi

Patna

Thiruvananthapuram

Ki bru ye ki wow lai cha kini ki Issue Office deiwa rah ya ki poisa Rs 2,000 khnang wow ye u pynpsiah ya ka poisa cha ka Bank Account yong ki næ katkam ki kyndon ka RBI. Ki wym ye u lai cha kini ki Office ye ki wow phah da ka India Post na kiwon kiwon Post Office ha ka ri.

Deiwa phah da ka India Post manda yoh ya ka poisa ha Issue Office u pynsakhiat ki ya ka wei daw phah (Transfer) ya ka poisa cha ka Bank Account kiwa phah ya ka poisa.

Got a ₹2,000 note? Here's what RBI wants you to know#2000RupeeNote #RBI #IndianCurrency #LegalTender #PersonalFinance pic.twitter.com/8T6jBY1n28

— Business Today (@business_today) July 10, 2026