I chim kabu ki YouTuber, ki Influencer kamjooh kiwi wow pynchit wei pynkulmar bru heiyatoh wa i pynemkaam yei Petrol wa khleh wa i Ethanol ha kini ki sngi da joor bha i wei uwi uwa tip kam u Sourav Joshi da kam u wa ka kari yong oo ka Mercedes-Benz GLC 300 da hiar bha ka Mileage ko namo wa baam phñiang bha ko na 16 Km chi Litre cha 5 Km chi Litre.
Ha i Video wa pynmih u Sourav uwa em 4 klur ngut kiwa bood ya oo, da riñ u ya ka Display ka kari u deiwa ong wa da hiar ka Mileage na 16 Km chi Litre cha 5 Km chi Litre tangwa i rukom riñ toh dei wym chynna bha wow pynsakhiat yeiwa kam u.
Da kylli u leh kammon wow leh lada sih ka kari u neiwa pynemkaam da ini i phñiang E20.
Hadien wa poor bha ini i Video, neiliang ka Mercedes-Benz India da pynmih ko yei sneiñ ya kiwa pynemkaam ya ki kari ko deiwa ong wa i krehkaam ki kari toh iwa emkaam dooh wei iwa booh ki hakhmat dooh.
Da ong leh wa waroh ki kari Mercedes-Benz Petrol BS VI man ki kiwa krehkaam wei kiwa hoi u pynemkaam wa i phñiang E20 wei da pyntikna yeini leh da ki bor wa toh u pait wow e Certificate.
Kamtæ da ong wa lada emkaam ki tre kari wow tip bniah ye ki wow wan kylli.
Ini pynyoo ko wa ka kari wa yah uni u YouTuber toh kawa hoi u pynekaam wa i phñiang E20 tangwa da leh u yeini du wow pynbiej paidbah wei wow yoh ya ki Views neidaw wa ha kini ki sngi da chongchit bha ki bru heiyatoh wa ini i jait phñiang.
Ha iwi won i Video wa pynmih u ha u snem 2024, da ong u wa kani ka kari u toh kawa khlan bha u baam phñiang heiwa manda thap u Rs. 6000 du chibet da lut i.
Discussion about this post