Ka Paragraph 12A(b) ka 6th Schedule donhi kawa ye wow pynlait na ki aiñ yow pynyoh yei hok tih mooyong: Phasmon

U MDC warim ka JHADC, u Phasmon Dkhar da ong wa da toh u pynkrehkaam da ka Paragraph 12A(b) ka Sixth Schedule yow yada yei hok ka Meghalaya heiyatoh wa u mooyong katkam ka riti synchaar ka ri.

“Nga sñiawkhia O yei pteiñ i chem chitom ki hajar tylli ki manyung kiwa chaniah ha u mooyong. Ki bru yong i da hap ki wow maad yei eh da ki snem neidaw wa ki aiñ ka ri deilang ki Policy toh kiwa da pynwandur neibynta ka tih mooyong kawa heh namo ka Large Scale Mining kawa leh ha kiwi ki thaw ha India wei ym em yatoh ko wa i man kyrpang i rukom mantre yei thaw i bhaw wa em hapoh ka jylla yong i,” da ong u Phasmon.

Da ong u leh wa ka Meghalaya em ko i thaw wa kyrpang wa da e yada da ka Constitution hapoh ka Sixth Schedule heiwa da mantre yei thaw kamjooh ki mar pohkhyndaw da ki bru samen, ki kur ki jait wa ki chnong ki thaw iwa pynphær ya ka jylla yong i. Wei kawon kawon ka Policy kawa ktah ya ki mar wa da e ka bei rymaw hap ko wow burom leh yei man kyrpang yong i hapoh ka Constitution.

“Nga da khut O ya ka sorkar Meghalaya wow kdong ko deiwa eh yow pynkrehkaam ya ka Paragraph 12A(b) ka Sixth Schedule deiwa yaklam wa ka sorkar India. Ki kyndon ka Constitution da e bor ko ya ka President ka ri India yow pyndam ya kawon kawon ka aiñ ka sorkar pyrdi wow krehkaam ko kamjooh wow pynkylla ya ka aiñ hawa krehkaam ki wa ki Autonomous District Council ka Meghalaya lada em i dawa wow leh yeini. Wei kam kani ka laad hap wow chimkhia ka hawa pait yei thaw wa em ka Meghalaya hawa mantre yei thaw i bhaw.”

Related posts

Ya ka thlu-um da tih deiwa tyngkheiñ aiñ | Dang pyrkhat ka sorkar yei yarap cha ki yung ki sem kiwa khlaad: Conrad

July 14, 2026

Yap wei mynsoo ki chipai ka Assam Rifles hadien wa pdung u Bomb IED ha Nagaland

July 14, 2026

U Phasmon da ong u wa ini ymtoh i dawa yow yoh u leh katwa ngiat khlem da pyrkhat ya ka mariang næ wow dam u leh ya ka Scientific Mining tangwa mar dei khangtleiñ neibhah ka Meghalaya emkaam ko ya ki aiñ wow yada ya ka bei rymaw deiwa yada leh yei khih i khan wei wow im ki bru deiwa em burom kam ki tre ri tre chnong.

Da ong u leh wa ka Section 26 ka aiñ MMDR Act ymtoh kawa pynlait nei krehkaam kani ka aiñ tangwa kawa e bor won cha kiwi iwa mut wym em pynlait nei krehkaam kani ka aiñ kamjooh wow pynkylla yei bor kani ka aiñ.

“Nga da kyntu O ya waroh ki seiñ saiñhima, ki bor Elaka, ki bor chnong, ki Autonomous District Council wa ki seiñbhlang wow yatylli ki heiyatoh wa ini i kaam yow lai da iwi i sur cha ka sorkar India wei ka thong toh u man ko wow pynskem yow wanrah deiwa yoh yei tipmit da ka Constitution yow yada yei hoh ki paidbah kamjooh ka spah rymaw neibynta ki juk wa daw wan,” pynkut u Phasmon.