I yakhih da pynwit wei pyntieñ i ya kiwa kreh ka JHADC | Da ujor da ka FIR

Ynne ka sngi hadien wa pynman yakhih ki paidbah ka Elaka Nongkhlieh wa ki ar seiñ wa kynthup ya ka JSU wa JNC wow dawa pyndam ya ka NOC ka Shree Cement wei wow pyndam ya u Na U Sukhlain kam u Dolloi ka Elaka Nongkhlieh, da mih i jia wa chah lehbor ka yung krehkaam ka JHADC.

Hadien ini neiliang u CEM ka JHADC, u Thombor Shiwat da ong u wa ka Executive Committee wa ka Council ymtip ki wa daw wan kini ki ar seiñ wow pynman yakhih ynne ka sngi iwa da pynsñiawsih bha ya ki kam ka Council.

Da ong u wa ymtip neiwon yohbor ka JSU wa JNC wow lehbor ha ka Office ka Council wei ym em paan bor ki wow leh kamni ynne heiwa wot ki pulit leh ym ye ki wow khang ya ki ar seiñ wow tympiah ya ki ar tylli ki Gate.

Chooh chooh da ong u wa neiliang ka Executive Committee ka Council da e NOC ko ya ka Shree Cement hadien wa ki tre chnong wa ka Elaka da e ki ya ka NOC wow tei ya kani ka karkhana.

Related posts

Khang tala ka KSU Shillong Mihngi Circle ya ka Mandir wa chna ka CBI ha i thaw sorkar | E por chi tayaaw wow tympra

July 14, 2026

Yoh ka JHADC ya ka website wa thymme | Ye u Download ya ki Form khlem wan cha Office

July 14, 2026

U Thombor da ong u wa waroh ki dkhot ka EC da em ki hapoh ka Council ynne wei dang yooluti ki wow wan yaklam ki ar seiñ wa ka EC ka Council yow pyrkhat hajrong iyi wow leh tangwa da kyrtem wei tympiah pathan ki ya ki Gate wei ini da ktah i ya ka Council kamjooh da pyntieñ ki leh ya kiwa kreh hapoh yong ka kamjooh wow pynwit yei kreh yong ki.

Da pynsñiaw u leh yei sñiawsih ya ki pulit kiwa ymye wow yada ya ka Office heiwa da yut ki manda chah tympiah ki Gate ka Council.

Kamtæ hajrong kini waroh ka JHADC da ujor noh ko da ka FIR wei da dawa leh wow su ya ka bai chna ya kiwa da chah tympiah.