Ka Dorbar Chnong Chutwakhu Jowai deiwa pyrkhat yei miat i bha ka imlang sahlang, da kyrpaad ko ya kiwa wan pait World Cup ha ka Chief Minister’s World Cup Fan Park kawa em ha madan Jrisaleiñ wym hoi u yaleh chongchit ware yatoh mih i awri awra iwa ye u ktah yei chongsuk chongsaaiñ kiwa boon walang.
Ka dorbar chnong da maham joor ko wym hoi u pynmih iwon iwon i kulmar para kiwa wan kyrchaan næ wow klam ya ki ktien khlem akor la ha iwon iwon i rukom, wei lada chem ya kiwa leh pyrchah yeini daw pynchitom ki katkam ki kyndon aiñ ka chnong.
Da khang leh wym hoi u booh kari khlem akor cha surok yow lait u wit ki kari wa lai wa wan khamtam ki kari Ambulance wei kamjooh ki kari ka MeECL wa Fire Brigade.
I pyntip na u Waheh Chnong, u P. Lyngdoh.
Discussion about this post