I tieñ em Bomb da wanrah i yei thut hei lai i wan ynne ha Khyndailad, Shillong hadien wa em wa ieh ya ka muna wa ka Trolley hajan ka OB Mall.
Ini da jia i heipor 11:30 i step heiwa ki paidbah da yoo ki ya ki muna wa da ieh ha i thaw wa boon bru bha.
Neiliang ki pulit da poi ki wei da kær talawiar ki ya i thaw wei da khang ya ki kari wa wan na IGP cha Khyndailad heiwa da phah ya ki Bomb Disposal Team tangwa chwa wow poi ki da wan u tre heipor kamwa 12:30 wow kam ya ka muna.
Ki pulit da ong ki wa uni u bru da ieh mylliñ u ya ki muna katwa lai pyndep kaam u cha MUDA Complex.
Hadien wa pynsakhiat yei mantre uni u bru ya ka muna da wai biang ya u sarok.
Neiliang ki paidbah da yalang ki ha ini i thaw wei mar wan u tre da kbai da kyriaw ki.
Discussion about this post