Kiwa chong chnong ka thaaiñ Wahiajer da yoh ki wow pait ya ka Final ka FIFA World Cup 2026 deiwa booh le tylli ki Giant Screen kawi ha pyrdi wei ar tylli na rood ka madan ka Wahiajer Multi-Sports Complex kawa leh da ka Thadlaskeiñ Sports Association (TSA) deiwa kyrchaan poisa da u Deputy CM, u Sniawbhalang Dhar uwa man leh kam u MLA ka thaaiñ.
Chwa u sdang i pynyoo ya ka yakhun Final, da em ka yalang wa tbian heiwa ka Thadlaskeiñ Sports Association da pynkup burom ko ya kiwa yalehbol kiwa da rah naam ha ki rynsan yalehbol kynthai wa chynrang wa kynthup kam ha ka Santosh Trophy heiwa da pynkup burom ya ki 3 ngut, ha ka Senior Women National Football da em kawi, ki Junior Boys National Football da em 3 ngut, uwi ha Under 20 Men’s National Football, ha ka Sub Junior Boys National Football uwi, kamjooh ya ka North Liberty HS School neibynta ka Subroto Cup 2025 yong ki Under 17 Boys.
Ya kini ki Award da saam da u Sniawbhalang Dhar chirup wa u Wailadmiki Shylla, Montri sorkar, u DC, u SP ka West Jaiñtia Hills wa u Asst. Director Sports and Youth Affairs.
Hadien wa dep pynkup burom da yoh yei klam na u Wailadmiki wa u Sniawbhalang.
Ki paidbah da em ki boon bha kiwa da wan pait wei da man ko leh ka miet kawa chongchit bha.
Discussion about this post