Ka JHADC ha ki 15 bnai kitæ nadooh ka 1 tarik u April 2025 hadooh ka 30 tarik u June 2026 da e ko 456 tylli ki Trading License cha ki Non-Tribal wei yeini da pyntip da u EM, u Jesse Suiam uwa pait yeini i kaam hawa e jubab yeiwa kylli u MDC ka Liang Pyrchah, u Daeimi Liam hapoh ka Dorbar Lyiur wa chi sngi ka JHADC ha ka 20 tarik uni u bnai.
U EM da ong u wa kini ki Trading License kiwa da e toh neibynta ki Non-Tribal kiwa da sah cha i wei manda e leh wan ki seiñ wow ong ileh e wei lada ym e leh wan won da kiwi ki seiñ wow ong ileh wym e.
Hawa jubab won yeiwa kylli pynban u Daeimi, neiliang u EM da ong u wa Council dang pynman sorjamin ko yow yoh yukheiñ hadooh katwon ngut kiwa em ha ka thaaiñ Dawki kiwa leh ya ki kaam kamai kari da ki Non-Tribal.
U Daeimi won ym em ngait u neibhah lada e Trading License wow yah kari da man ko leh ka khih kawa ki tre chnong leh ye ki wow leh.
U EM da pynche u wa em ki por chem wa ka Truck toh ki yong ki dkhar katwa uwa yah won da u jaitbru yong i, kamtæ da phah wow pynbiang ki ya ki kot sla yow yaleh Trading License ki tre Truck.
Da pynche leh wa ki Trading License toh kiwa hap wow pynthymme chisien chi snem.
Discussion about this post