Ka Cockroach Janta Party (CJP) da pynbna ko wa da pyndam ko yei yakhih iwa da neh 49 sngi ha Jantar Mantar, Delhi hadien wa da hiar chuki u Union Education Minister, u Dharmendra Pradhan wa deiwa kular ka sorkar wow pyndam noh ya ki FIR kiwa da booh pyrchah ya kiwa yakhih kamjooh kiwa pynman yakhih.
Ini i rai da chim hadien wa da yachem le sien wa ka sorkar deiwa emlang ki Montri ka sorkar pyrdi wa kynthup ya u JP Nadda wa u Dr. Jitendra Singh.
Hawa kut i yaklam, neiliang uwa e ktien ka CJP, u Saurav Das da ong u wa da pyndam yei yakhih deiwa chaniah wa ka sorkar u pynkrehkaam ko yeiwa da ya mynjur hapoh i por wa da booh.
Kam wow pynkynmoo wa kani ka yakhih da sdang ko ha ka 6 tarik u June wei da kut ko ynne deiwa hiar chuki u Dharmendra wei kiwa dang sah na ki dawa toh wow e yarap poisa hadooh Rs. 1 klur cha ki yung ki sem ki khynnah wa pynkut mynsien neiwa em ka Paper Leak ka NEET wei wow pynkylla leh yei rukom pynman Exam kamjooh wow pait deiwi ya ka puræ puthi.
Da dawa ki leh na ka sorkar wot ha ki por wow wan wym toh u pynchitom ya kitu kiwa pynman yakhih.
Neiliang ka sorkar BJP leh da mynjur ko wow pyndam noh ya ki FIR wa da booh pyrchah ya kiwa yakhih kamjoooh kiwa pynman yakhih.
Da dawa leh wow pyndam ya ki FIR ym du ha Delhi tangwa ha waroh ki jylla wa synchaar da ki BJP lane da ki lok ko.
Ka sorkar da ong ko wa daw leh yeini wei daw pyntip leh cha kitu kiwa chah booh FIR.
Ka sorkar da mynjur ko leh ya kiwi ki dawa wow puræ bniah yei rukom pynman Exam kamjooh ka puræ puthi kamjooh wow e yarap cha kitu kiwa chah ktah na ka Paper Leak katkam ki kyndon wa chah ka aiñ.
Discussion about this post