Uwa e ktien ka BJP Meghalaya, u Arnab Das ha ka khubor wa da phah da ong u wa u Dharmendra Pradhan da hiar chuki u dei mon yong oo hi ymtoh deiwa em wa pynbor tangwa wow yada na ki bor wa pyrchah ri kamjooh kiwa na baar yow lait ki wow chim kabu yeiwa da jia.
Da ong u wa ka sorkar pyrdi toh kawa sñiawthooh yeiwa sñiaw wei chah ktah kiwa lai puræ wei u pteiñ ko u kreh neibynta i bha i miat yong ki ha ki por wow wan kamjooh ya ki juk wa daw wan.
Chooh chooh da ong u wa ka sorkar wa kattæ da pynkhreh ko wow wanrah chiboon i kylla kiwa da ieh khlem da pait da kiwi ki sorkar wa da lai wei kattu i pynman Exam daw man i iwa skem tdiaw.
Da kdaw u leh wa ki Paper Leak toh kiwa jia ha ki jylla wym em synchaar da ka BJP dang ini wa dep kam ha Karnataka wa J&K tangwa ym em uwi wot leh wa chim yei bahkhlieh.
Da ong leh wa katni da em boon ki skurbah, ki thaw puræ wa thymme wa mih ha kylleiñ ka ri hapoh i pait ka sorkar wa katni wei ka BJP u pteiñ ko u kreh neibynta kiwa lai puræ hapoh ka ri kamjooh hapoh Meghalaya yow pyntikna wa yoh ki ya ka mynried wa tyrchaaiñ.
Discussion about this post