Hei yoo chyrkhei i kylla ka Bus yap du uwi wei mynsoo 20 ngut

Kawi ka Bus da pra ko phrai hadien wa kylla wei tyrrah ko ha i bynta wa kær sarok heiwa da yap uwi wei da em kamwa 20 ngut kiwa mynsoo iwa da jia ynne ha u sarok Thrissur-Kozhikode ha i bynta ka Kuttippuram ka Malappuram District ka Kerala.
 
Katkam wa ong kiwa sakhi, kani ka Bus nyngkong da tyrrah ko ya kawi ka Autorickshaw wei hadien da kylla ko hajrong kawi ka kari kawa da jia kamjooh ha kani ka jooh ka thaw.
 
Na kiwa mynsoo da em le ngut kiwa da mynsoo joor, wei da yarap sai ya kiwa em hapoh da ki paidbah, ki pulit wa ki bru ka Fire and Rescue Services kiwa da wan wow ah ya ka Bus yow sai ya ki bru wa sahkut hapoh.
 
Ini da jia i heipor wa jhieh u sarok wei da suba wa i daw toh wa uwa yah ya kani ka Bus ym ye de uwa yah wow pynlai ka wei kani man ko ka Bus da mantre da ki bru samen.
 
Ya kiwa mynsoo da kit cha ki Hospital wa em ha Kuttippuram, Valanchery wa Kottakkal.

Ar ngut kiwa chi payu kiwa chong hakhmat da khana ki wa kani ka Bus rap pynhær ko wei manda jia ini da chah pakhot ki cha lait wei ki leh da mynsoo ki.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026