I chlai-um ha jylla Assam hanlada da hiar i tangwa ka jylla da man ko kawa syndong wot hapyrdi i yap da kynjoh i ya 78 ngut ki bru wei kiwa chah ktah heipor wa joor bha da em ki palat 6 lak ngut wei kattæ wa rap duna i chlai um kiwa chah ktah da em ki palat 3 lak ngut.
Ka India Meteorological Department (IMD) da e ko ya ka Orange Alert neibynta ki le sngi wow wan dei maham wa ye u joor u slap ha ki kattu katni ki bynta ka thaaiñ mihsngi.
Ki 7 District ka Assam kiwa em hapyrdi i chah ktah nei chlai-um heiwa da chah ktah palat 3 lak ngut ki bru wei da chah tymmoh 550 tylli ki chnong.
Ki bor sorkar ka Assam da ong ki wa da chem ya 3 tylli ki metyap ha ki 24 kynta heiwa i yap da kynjoh i cha ka 78 ngut.
Ka District wa chah ktah dooh toh ka Sivasagar heiwa kiwa boon ki bru da dooh ki ya ki yung ki sem yong ki hei chlai-um. Uwi na kiwa chah ktah hawa khana yeiwa jia da ong u wym jooh em yoo u yei chlai um kamni heiwa oo da ye u wow ksoh yei khon katwa ka kurim u da chah rah ko ha ka um.
Em kiwa ong wa ini i chlai-um toh iwa joor dooh ha ki 60 snem wa da lai.
Discussion about this post