Chah ktah kawa sooh khon kawa mut wow lai cha thaw sumaar neiwa em kiwa tih ya u sarok

Kawi ka manbei kawa punkhon kawa na Shnongrim, ynne i step da sooh khon wei da mut ko wow lai cha thaw sumaar tangwa neidaw wa em wa tih ya u sarok kam chibynta ka yakhih hapyrdi kiwa kyrchaan wa ki wym em kyrchaan ya ka Public Hearing, da hap ko wow phah khut kari da kawi yow wan na chilliang.

Ha ini i por da em leh kawi ka pooh chiloom kawa da pyndap ya u sarok heiwa da yoh laad wow kit ya kani ka kynthai yow thap ka ha kawi won ka kari yow kit cha thaw sumaar.

Heiyatoh wa ini, neiliang ka Meghalaya Indigenous Women’s Council (MIWC) da beiñ joor ko yeini i leh embor wei pynyoo bor ka Shree Cement wot ya kiwa kjut wa chitom leh ym em pyrkhat de hadooh wow khloh ya u sarok yow khang luti ya kiwa pyrchah u poi cha ka Public Hearing kawa da pynman ynne ka sngi dang 8:00 waje i step da ka Meghalaya State Pollution Control Board.

Ka seiñ da kylli ko leh iyi wa pynman ya ka chnat pulit wow phah lai kjat ya kiwa pyrchah Shree Cement nadooh ka Shnongrim hadooh cha ka thaw wa pynman Public Hearing wei ileh wym em e laaad ya kiwa pyrchah wa kiwa chah ktah wow chimbynta ha ka Public Hearing.

Related posts

Ym em kha khon hapoh kari neidaw wa sih u sarok katkam wa em kiwa pynmih khubor: DC

July 31, 2026

Ym ye wow pynthut ya ki sahep sorkar hawa lai pyndep ki yei kaamram

July 31, 2026

Da kylli leh wa ileh ki pulit hap ki wow kawang Tear Gas ha ka yaaw ka haat khlem da pyrkhat de ya kiwa lai wa wan.

Wei kani ka Public Hearing toh kawa khlem da yoh kiwa pyrchah wow chimbynta deiwa chah khanglaad nadooh ha ki damok wa ki pulit.

Chooh chooh da ong wa uni u sarok toh u sarok ka PWD, kamtæ kiyi wa e bor ya ka Shree Cement wow khloh oo yow khanglaad ya kiwa chimbynta ha ka Public Hearing.