Da: U Shimphang Lyngdoh
Ma Pher Ma Pher da khut maya
Nadooh wa sdang i pyrtuid u bna
Ha Ri-loom Jaiñtia waroh kawi
U khon dap chynrang wa yahluti
Da khut da wer ya ki para waheh
Neibynta ki kaam wa da toh u leh
Syndet kamwa toh yooh tdong pseiñ
Ha Oo sakhiat da chong ka maiñ
Kamwa da mut kamwa da thmu
Ya i nang i tip yoh u pynku
Wow pynheh pynyaar yei stat
Thiaw da sdang ya ka kyrdan PU Arts
Kmen ka thaaiñ Khliehriat waroh kawi
Wa da yoh nongialam sakhiat kam uni
Ha i kaamram wa doom u sdang klass
Ki kaam ki jaam chaphrang yoh u smat
Bluit ha’u snem Khat-Khynde-Khynde-Ar
Jaiñtia Eastern College da yieñ da tayar
Kam u Principal wa nongkong ka kolej
Hapoh i yahluti yong Oo ki kaam da lai bait
Ki thaiñ nongkyndong wa sñiaw kut laad
Cha kani ka kolej sdang ki u kyruiñ khmat
Wow pteiñ pynheh yei puræ puthi yong ki
Han lym yoh ki u wan klass man-ka-sngi
Ma Pher wa jemnood wa em i yoo jngai
I kyrkhu wa da yoh sñiaw lakam u Blai
Khlem ñiaw chiliang khlem jooh kyntait
Nadooh wa sdang hadooh wa chongthait
I burom yong phi Ma wym ye de u su
Kitbok ya phi chaphrang yoh phi u ku
Dei mankhih mankhan wa i chait i tram
Im i pyrtuid yong phi yanom u sah i naam
“Dei maya saya la kat tynde wa ksoh
Chi-Thiar i kitbok na u Shimphang Lyngdoh”
Discussion about this post