Sñiawngooh ka manbei wa maap u Modi ya ka khon ko heithaw wow pynchitom ka

Ka bei ka kynthai kawa da chah dawa pynchitom ka hadien wa klam beiñ ko ya u Prime Minister, da pynsñiaw ko yei sñiawngooh hadien wa u Modi bien u wow maap ka heithaw wow pynchitom ka.

Da ong ko wa deiwa maap u Modi, da yoh ka khon ko wow im biang sa chisien yow lai ko chakhmat.

Kani ka khynnah kawa dang 15 snem da pynemkaam ko da ki kyntien wa jakhlia heipor wa klam ko ha ka yakhih wa da pynman ha Jantar Mantar, New Delhi wei da paan maap ko hadien wa em wa booh da ka Zero FIR pyrchah ya ka ha Noida.

Hawa paan maap ko da ong ko wa ini i toh i sien nyngkong wa i sien wa khaddooh wa bakla ko wei ym jia de wei da klam ko yeiwa klam toh heitu i por wa boon bha kiwa dadep klam wei ya ka leh da ong wow klam ko iyi ræ iyi wei da ong ko yeiwa ong neidaw wa da joor kiwa em kiwa pynchit.

Related posts

Khlem yoo uwi ya ka rel hawa klam Phone hadooh wa yap

August 2, 2026

Pynbna ka Jaintia Hills Football Academy yei ya krehlang wa ka Ambrose Memorial Secondary School

August 2, 2026

Ya ka Zero FIR da booh ha Expressway Police Station, Noida wei da phah ka cha Parliament Street Police Station, New Delhi.

Ya kani ka Zero FIR da Register ha ka 30 tarik u July kawa da booh da uwi na kiwa chong chnong ka Ghaziabad deiwa ong wa kani ka khynnah toh kawa sah ha Sector 168 ha Noida, wei da pynkemkaam ko da ki kyntien wa jahkhlia wa khlem akor pyrchah ya u Prime Minister ha ka yakhih wa pynman ha Jantar Mantar ha ka 23 tarik u July.

Ya ka Case da Register hapoh ka Section 352 (intentional insult to provoke breach of peace), Section 353(1) (statements conducing to public mischief) wa 356(1) (defamation) ka Bharatiya Nyaya Sanhita wei da phah ka cha Delhi Police yow takit.