Kiwa puræ ka Kiang Nangbah Government College (KNGC), Jowai da yoh ki wow ap u sñiaw wei wow yaphyllu wa u Calvin Ginminlien Zou (AIR 134, UPSC CSE 2025), uwa man kam u Top Rank na kiwa na North-East kiwa man kam ki Scheduled Tribe uwa da yoh leh wow man kam u IAS.
Neiliang ka Career Guidance and Placement Committee ka College da leh ko yeini yow e mynsien ya ki khynnah wow yaleh ki ya kani ka Exam yow chakri paidbah.
U Calvin hawa e yei klam da khana u kammon da pynkhreh u ya kani ka Civil Services Exam deiwa ong wa emkaam u man kiwa ryntih, kiwa rai kut, kiwa skem wei kiwa ye wow e mynsien pyn ya idæ.
Da ong u leh wa emkaam wow sñiawthooh yei bor nadooh heiwon khlan wei heiwon tlot wei wow pynkhlan chooh chooh yeiwa khlan wei wow pynku leh yeiwa tlot yow poi cha ka thong deiwa e lut 100%.
Chooh chooh ong u yow poi cha ka thong toh dei wym hoi u chah rem, u pynkhreh deiwa miat man-ka-sngi yow tip ya kiwa thymme na kawi ka sngi cha kawi.
Hadien wa klam u Calvin, da jubab u leh yeiwa kylli kiwa lai puræ ka Kiang Nangbah Government College heiwa da khana u ya ki kammon da pynemkaam u yei por, ki buit wa da pynemkaam u wei kammon yow lait u dooh mynsien.
Neiliang kiwa lai puræ da yoh myntoi ki chiboon yow tip chooh chooh chaphang kani ka Exam wei wow yoh mynsien kamjooh.
Discussion about this post