Ka Pnar Student Movement (PSM) ynne ka sngi da lai booh ko dei thoh ha u Superintendent of Police, West Jaiñtia Hills District yow dawa booh noh da ki pulit ki wow em bait (Permanent) yow pait yei rukom pynlai kari ha laad u sarok Jowai Bypass.
Ka seiñ da ong ko wa da boonsien ki paidbah da ujor ki hajrong iwa boon ki kari kiwa lai bakla namo ka Wrong Side ha itai i bynta iwa da pynman ya katai ka thaw wow man kawa maa wei kawa jooh jia bha i ya tyrrah kari.
Wei i wym em ki Traffic Police wow paitbniah yei lai i wan ki kari kamjooh ki paidbah da pynman ko ya kani ka thaw wow em ma em i jia wa sñiawsih.
Ka seiñ neidaw wym em u yoh u yachem wa u Superintendent of Police neidaw wym em u, da yachem noh ko wa ka Additional Superintendent of Police, ka C. W. Lyngdoh kawa da ong wa pdiang hi ko yei dawa ka seiñ wei da kular ko leh wow chimkhia u yaklam wa u SP kamjooh yow phah lai pait ya katai ka thaw yow pynbiang ya ki Traffic Sign, Road Sign wa Speed Breaker khnang yow ye u pynduna wei pyndooh noh yei tyrrah kari ha itai i bynta.
Discussion about this post