Raikut ka Sheikh Hasina wow liwan biang cha Bangladesh hanlada yang u tylle pasi

Ka Prime Minister warim ka Bangladesh, ka Sheikh Hasina da pynbna ko wa angnood ko wow liwan cha Bangladesh ha u December hanla i liwan ko wow tylle pasi wa yang ya ka.

Hawa klam ha ka Press Club ha New Delhi hadien ar snem wa hap yut ko, ka Hasina da ong ko wa daw liwan ko cha Bangladesh khlem pyrkhat yei maa wa booh ya ka.

Da ong ko wa ym ye ko wow sah bait cha jngai katwa ki paidbah ka ri ko chitom ki wei da kwah ko wow liwan ha u December.

Ka Hasina wa 78 snem i rta da ong ko wa da hun ko wow chah kset wot wow chah pasi leh tangwa ym tieñ ko neibynta i chakri ya ki paidbah ka ri.

Da ong ko wa i rai wow liwan toh nei em i bahkhlieh ya ki paidbah ka Bangladesh wei kwah ko wow wanrah biang yei synchaar paidbah iwa laitlooid ha katai ka ri.

Chooh chooh da ong ko wa i yakhih ha u July-August yong u snem 2024 ymtoh iwa jai-jai i yakhih tangwa dei sooh buit wow pynemkaam da ki khynnah khynroo wow pynkylla ya ka sorkar. 

Related posts

Daw chna ya u sarok Four Lane na Guwahati cha Tezpur hei lut wa Rs. 8,970 klur

August 6, 2026

Khut sñiawbha ka Seiñraij Ialong cha ka Behdieñkhlam 2026 | Da pynbiang boon iwa thymme nadooh ki thaw pynyieñ kari, thaw paitke wa kiwi de

August 6, 2026

Da dawa ko leh wow pynlait ya kiwa kitkaam ka Awami League Party wei wow pyndam ya ki Case wa Register pyrchah ya ki.

Ka Hasina da sah ko ha India nadooh wa yut ko na Dhaka ha u August 2024.