Kam chibynta ka lehniam Behdieñkhlam kawa da jooh pynman ha man ki snem ha u bnai August, heiwa myntu u snem daw pynman nadooh ha ka 8 tarik yong uni u bnai (August) heiwa daw pyndep ha ka 10 tarik u August 2026 ha madan Aitnar (Tre Pyrda) hajan ka Ialong Park heipor 1:30 i sngi.
Kamtæ ka Seiñraij Ialong (Raij Wahiajer wa ka Raij Nongkhyllep) da khut da wer ko ya waroh ki khon yong u Ynñiawtrep Ynñiawskum wow wan sakhilang ha kani ka sngi lehkmen Behdieñkhlam yong ka Seiñraij Ialong, wei i wan yong phi e bor e mynsien ko ya i ki khon ka Seiñraij Ialong hi waroh kawi.
Ha kani ka sngi pyndep ya ka lehniam Behdienkhlam ka 10 tarik, daw wan sakhi da u Deputy Chief Minister, u Sniawbhalang Dhar kamjooh u Wailadmiki Shylla, Cabinet Minister deiwa emlang kiwa chah kut sñiawbha kam ki Special Guest nadooh ki MLA, ki MDC ki sahep sorkar, ki Dolloi kamjooh na ki waheh Raij waphær waphær hapoh ka Ri-loom Jaiñtia wa Khasi.
Wei ha ha uni u snem sñiawkmen u pyntip ya phi ki lok ki jor, wa da man iwa da biang lut nadooh ki sarok, ki thaw paitke nadooh ki thaw chong ya phi kiwa wan paitke, heijooh i por pyntip leh cha phi ki lok ki jor heiwa myntu snem ka thaw pynyieñ kari da man ko kawa da biang heiwa ym emkaam de phi u lai kjat kam ha ki snem wa nachwa heiwa ka thaw pynyieñ da em ko pyn hajan ka Syiem Aitnar yong ka Seiñraij Ialong.
Ya kiwa chimbynta leh da em thawsum iwa da pynkreh janai neibynta yong ki.
Ka Wyrta wa da pynlait da u Juhhi Pale, General Secretary ka Seiñraij Ialong.
Discussion about this post