Daw chna ya u sarok Four Lane na Guwahati cha Tezpur hei lut wa Rs. 8,970 klur

Ka sorkar pyrdi da pdiang ko wow chna ya u sarok Four Lane wa 135.87 Km na Guwahati cha Tezpur yong u NH-15 ha Assam ha i lut wa Rs. 8,970.20 klur wei uni u sarok daw pynsuk u ya i lai i wan na Assam chadooh Arunachal Pradesh.

Ka Cabinet Committee on Economic Affairs, wa khlieh da u Prime Minister Narendra Modi, da pdiang ko ya kani ka Project ya ka wow chna katkam ka Build-Operate-Transfer (BOT) Toll Mode.

Uni u sarokbah u pynyabi u ya ka Baihata Chariali hajan Guwahati cha Tezpur wow lait na ka 15.11 Km ka Mangaldoi Bypass heiwa da yooluti wow pynsuk wei pynheh yei khayi pateiñ hapyrdi ka Assam wa ka Arunachal Pradesh.

Chooh chooh uni u sarokbah daw pynyabi u ya phra tylli ki PM Gati Shakti Economic Nodes (Industrial Park), ki Aspirational District – ka Darrang wa Udalguri, ki le tylli ki thaw uiñke namo ki Tourist Destination – ka Kamakhya Temple, ka Kaziranga National Park wa ka Orang National Park, ki 7 tylli ki Logistic Hubs wa kynthup ya le tylli ki Railway Station, ar tylli ki Airport wa ar tylli ki Inland Waterway Terminal.

Related posts

Paan pynche ka chnat Urban Affairs na u heh ka CBI Shillong wa kammon chna Temple khlem yoh bor

August 6, 2026

Khut sñiawbha ka Seiñraij Ialong cha ka Behdieñkhlam 2026 | Da pynbiang boon iwa thymme nadooh ki thaw pynyieñ kari, thaw paitke wa kiwi de

August 6, 2026

Ki sahep sorkar da ong ki wa deiwa pyndep chna ya uni u sarokbah daw pynsuk u yei lai i wan, daw duna i por kamjooh i baam phñiang. 

Daw em leh 5 tylli ki Bypass wa 58.7 Km wow pynduna yei khynñia kari ha Baihata Chariali, Sipajhar, Kharupetia, Dekiajuli wa Tezpur. Daw em leh 15 tylli ki yingkieñ heh, 30 tylli ki yingkieñ khian, 19 tylli ki Flyover, 46 tylli ki Underpass, ka Elephant Underpass wa 210 Km u Service Road.