Paan pynche ka chnat Urban Affairs na u heh ka CBI Shillong wa kammon chna Temple khlem yoh bor

U Director ka chnat Urban Affairs uwa man leh kam u Member Secretary ka New Shillong Township Development da thoh u cha u DIG & Head of Branch ka CBI, ACB Shillong yow paan pynche yei chna ya ka Temple hapoh ka pchem ka CBI Campus kawa em ha Mawdiangdiang iwa man leh i thaw ka sorkar.

Related posts

Dawa ka HYC-EJH wow booh Police Outpost ha thaaiñ Bataw

August 6, 2026

Daw chna ya u sarok Four Lane na Guwahati cha Tezpur hei lut wa Rs. 8,970 klur

August 6, 2026

Ha kani ka chithi da ong wa da yoh ya ka chithi na ka KSU, Shillong Mihngi Circle deilang u Director of Land Records and Survey Meghalaya, Shillong heiyatoh wa i chna ya ka Temple hapoh ka Campus ka CBI wei katkam ka soskular Lease Agreement wa da soi ha ka 14-11-18, kani ka thaw da e wai neibynta yow booh ya ka Office-Cum-Residential Complex wei katkam ka Clause 10 ka soskular da klam che wa kiwa chim wai ymtoh u chna ki iwon iwon næ wow pynkylla ya iwon iwon iwa da em chwa ha kani ka thaw khlem da yow bor na ka Agency.

Neiliang ka seiñ da ngait skem ko wa ka sorkar wa ki bor wa toh u pait daw bichaar bniah ki ya kani ka Lease Agreement wei wow chim ya ka luti wa emkaam katkam ka aiñ wei lada toh wa chna khlem da yohbor, toh u tympra ya kani ka Temple.