U pynman bait ka KSU-EJHDU ya ka yalang ha pchem u DC lada ym e bor u leh

Ka KSU East Jaiñtia Hills District Unit ha ka 6 tarik uni u bnai da thoh ko cha u DC ka East Jaiñtia Hills yow paan bor yow pynman yalang hakhmat u mot u Kiang Nangbah wa em ha pchem ka yung krehkaam u DC ha Khliehriat yow pynche hajrong ki 5 tylli ki mat kitæ wow pyndam noh ya ka Public Hearing ka Shree Cement kawa dadep wow pynman wei wow Suspend noh ya u DC wa u SP ka District deilang ki sahep ka MSPCB deiwa thung leh ka takit.

Ka mat wa ar toh yow pynkrehkaam ya ka Meghalaya Residents Safety & Security Act (MRSSA), 2026. Ka mat wa le yow pynkylla ya ka Meghalaya Identification, Registration (Safety & Security) of Migration Workers Act, 2020. Ka mat wa soo yow pynbait yei eh hei rukom thung kreh ka NEIGRIHMS katkam ka kular wa da e. Wei ka mat wa san toh yow pyndooh noh ya ka Personal Interview neibynta ki kreh Grade ‘C’ wa Grade ‘D’ deilang wow wanrah yei pynkylla hapoh ka MPSC wa DSC deiwa chna leh ki Standard Operating Procedure (SOP) neibynta waroh kiwi ki Recruitment Board.

Tangwa neiliang ka yung krehkaam u DC da phah ko da ka chithi wym e bor neidaw wa da pynkrehkaam da ka Section 162 ka BNSS ha ka 20-05-2026 yow khang yei yalang palat 5 ngut ki bru hapoh u pood ka DC Office.

Neiliang ka seiñ da phah ko sa kawi ka chithi yow e jubab yow beiñ yeini wym e bor u DC deiwa ong wym tip bniah ki bor District chaphang ki kyndon ka Section 163 ka BNSS wei da leh yeini du wow thoh chukor ya ki paidbah neibhah ka hukum manda pynmih toh kawa da yap hadien ar bnai wei ymtoh kawa ye u neh yanom.

Related posts

Phah u DC ka West Jaiñtia wow taan ya ki kari wa pynyieñ khlem yoh bor ha rood ki NH wei wow tympra ya ki thaw baam wa kyntoor cha sarok

August 8, 2026

Da khut ya ki khon ka Raliang Constituency wow chimbynta ha ka yaphet Marathon ha ka sngi Independence Day

August 8, 2026

Ini i jubab u DC da pynman ko ya ka seiñ wow pynskem yei rai wow dawa beh noh ya uni u DC ym du neidaw ka Shree Cement tangwa da thombor u leh ya ki paidbah wa pyrchah yeini wei ka seiñ da sñiawthooh ko leh wym toh u bru wa hoi u wym tip tang ya ka aiñ.

Ka seiñ da pynche ko leh wa ka yalang wa kwah ko u pynman ymtoh deiwa pynmih kulmar tangwa da kawa ja-jai, kamtæ da kyntu leh ya ki paidbah ka East Jaiñtia wow e laad ya ka seiñ wow pynman ya ka yalang wei u pynman bait ko ya ka yalang ha ka 11 tarik hakhmat u mot u Kiang Nangbah lada ym em bor ki bor District leh.