Da ka poisa e ka Lion Mission Compound yow yarap yakhun mukotduma neibynta ka Myntdu

Ka Lion Mission Compound Dorbar Chnong, Jowai ha ka 8 tarik uni u bnai hei yahkhmat u Dauni Hiwot Synrem, Waheh Chnong, u Shlur Sumer, Asst. Waheh Chnong wa kiwi ki dkhot ka chnong da kynchew ki da ka poisa cha ka yarong ka Khooid Ya Ka Wah Myntdu ha i yahkhmat u Khroo L Pariat kam u President, yow nang ye u yakhun ha NGT New Delhi yow yoh hok kiwa chong chnong wa ka Myntdu kawa khooid kawa bha.

U Khroo da ong u wa hadooh katni du na ka Myntdu donhi wa dang psa um baam um dih na ka yung krehkaam u SDO PHE (E) ya kiwa chong chnong ka Jowai waroh kawi deilang kiwa rep kba ha ki pynthor rood ka Myntdu.

Da ong leh wa ini i e mynsien kiwa chong chnong ka Lion Mission Compound Dorbar Chnong neibynta ka Myntdu, man ko ka nongmuna ya kiwi ki dorbar chnong wa kiwa chong chnong kiwa im wa sah tawiar ka Myntdu, yow mih chakhmat u ya chimbyntalang wa ka Khooid Ya Ka Wah Myntdu ha kani ka yakhun yow nang yoh um, u nang im, yow biang i manbru, longbru kiwa im wa sah tawiar ka Myntdu.

Ha kani ka yalang da sakhilang u Chwaki Najiar, u Jop Lato wa u Snar Laloo kiwa kyrchaan wa hakhmat tam yeini i yakhih neibynta ka Myntdu.

Related posts

Da pynkylla ya ka tarik wa i thaw wa da booh ka Fact-Finding Committee yow ap u sñiaw heiyatoh wa ka Shree Cement

October 11, 2026

Pynlait ka yung bichaar ya ki heh ka CJP da ka kyndon wow pynneh yei suk i saaiñ chi snem

October 11, 2026

Neiliang ka Khooid Ya Ka Wah Myntdu da e khublei ko ya ka Lion Mission Compound Dorbar Chnong wa kiwa chong chnong ha ini i ya chimbynta i yong ki neibynta yow nang khlan ka imlang sahlang tawiar ka Myntdu.