Ha ka 6 tarik uni u bnai, heipor kamwa 6:55 i miet, da pyntip cha ki pulit wa chem ya u bru wa thiah yap hadien kawi ka dukan chna chaka kari wa em ha 13th Mile, Tamulikuchi.
Hawa wan takit ki pulit ka Byrnihat, da pyntip da ki paidbah wa uni u bru da em wa yoo wa uiñ u chawah chaneiñ da boon sngi chwa wow chem ki oo ha kani ka thaw heiwa nyngkong mut ki jan wa yoh thiah u heipor 4:00 waje i janmiet.
Na uni u bru ym em chem kiwon kiwon ki kot ki sla wei ym em leh chem ki dak wa takha wa mynsoo u wei da kit ya oo wut-wut cha Byrnihat PHC tangwa u Doctor da pyntip u wa da khlaad chwa uni u bru.
Yei metyap da booh ha Morgue ka Nongpoh Civil Hospital yow em kiwa wan kam oo.
Uni u bru da antaad toh uwa em 60-65 snem i rta uwa jrong 5ft 5in, uwa rkhoh, uwa yong sniehdoh, uwa em sñiooh wa tbian, u wa em tmaaiñ wei sap u ya ka T-Shirt wa ka patlun tbian.
Lada em kiwa tip chaphang uni u bru wow sñiawbha u pyntip cha ka Police Control Room (PCR) Nongpoh: 6909300160 lane ha Bynrihat Police Station ha i Number: 6909300152.
Discussion about this post