Ka Kamrup Metropolitan District Excise Department da kem ko ya i kiad wa chna ha Meghalaya katwa dang kynreh kari ha Sonapur Toll Plaza ha i step ka 11 tarik uni u bnai.
Hadien wa yoh yutip wa tikna, da kynreh ya ka Truck ha Sonapur Transit Point chwa wow ye ko u psiah cha Assam. Kani ka Truck toh kawa em Number AS-01UC-9545, wei da kit ko 123 synduk (Carton) i kiad pharæng namo Indian-Made Foreign Liquor (IMFL) wa i Beer.
U Senior Excise Officer, u Sailendra Pandey da pyntikna u wa yoh kem yei kiad ynne i step wei u Assistant Excise Inspector, Pritam Purkayastha da pyntikna u wa ya ini i kem da leh da ka Kamrup Metro Excise.
U Kamrup District Excise Superintendent, u Debajit Nath da ong u wa ini i kem man i chibynta i khayi kiad tooh cha Assam na Meghalaya wei boonsien da kit yei kiad da ki kari kamai.
Ini i khayi kiad tooh da joor i khamtam wa phær i dor i kiad ha Assam wa Meghalaya iwa da ktah joor ya i ka yarong poisa ka Assam wa yoh ko na i kiad.
Discussion about this post