Ka International Youth Day 2026 kawa da pynman hajrong ka phang wa ong “Youth Advancing Multilateral Cooperation through Technology and Partnership” da lehkmen ka ha Jaintia Eastern College, Khliehriat ha ka yalang wa pynman da ka yung krehkaam ka District Sports Officer, East Jaiñtia Hills District deiwa ya krehlang wa ka yung krehkaam u Deputy Commissioner, East Jaiñtia Hills District.
U Director ka Jaintia Eastern College, u Dr. Phervision Nongtdu hawa e yei klam kam u kongsan da ong u wa kamwa ka phang ha uni u snem ong ko wa ki bru wan ki na kiwa boon ki thaw deilang ki jaitbru waphær waphær, ki dustir riti wa boon jait tangwa waroh kwah ki wow biang ka puræ puthi, u kmen wei ka mynried kawa skem. Wei ha ka juk wa katni ye wow ya krehlang wei u yatohlok deiwa pynemkaam yei stat Technology deiwa miat wa bha neibynta u ku ka imlang sahlang.
Kam chibynta kani ka sngi, da pynkup burom leh ya ki soo ngut ki khynroo khyllood ka East Jaintia Hills District yeiwa wanrah naam ki ya ka District, ka jylla hapoh ka ri wa cha baar ri. Kini toh u John Khawbung wa ka Isa Chullet kiwa da mihkhmat ya ka jylla ha ka International Youth Exchange Programme 2025 wa da pynman ha Malaysia, wa u Rishanki Langstang wa ka Wansakani Nongtdu kiwa daw mihkhmat ya ka jylla ha ka International Youth Exchange Programme 2026 kawa daw pynman ha Philippines.
Ha kani ka sngi da yoh leh ki rwai wa ki chaad tynre, i tem i put wa e da kiwa lai puræ.
Da sakhi yeini deilang ka District Sports Officer (DSO) ka District, ka S.M. Rapsang, kiwa sikai, ki khynnah skur wa kiwa lai College na kylleiñ ka District.
Discussion about this post