Ha ka sien wa nyngkong daw pynman ya ka Jaiñtia Photo and Video Fest 2026 ha Jaiñtia Hills da ka seiñ kiwa chondur riñdur na ri-loom Jaiñtia kawa tip kam ka Jaiñtia Photographer and Videographer Association.
Ya kani ka tamasa daw pynman ha ka 20 wa 21 tarik uni u bnai August ha Chutwakhu Indoor Hall, Jowai wei daw em leh ka Photo & Video Competition neibynta kiwa chong chnong ka Meghalaya.
Ka phang namo ka Theme kani ka Photo Competition toh kawa ong “People and Trees”. Neibynta ka Video Competition won toh “Our Environment our Responsibilities”.
Ka song poisa neibynta ka Photo Competition man ko 1st Prize- Rs. 10,000, ka 2nd Prize-Rs. 6000 wa ka 3rd Prize-Rs. 4000.
Neibynta ka Video Competition ka 1st Prize- Rs. 15,000, ka 2nd Prize- Rs. 7000 wa ka 3rd Prize- Rs. 4000.
Ka tarik wa khaddooh wow pynpoi (Submit) ya ki Photo wei Video toh ka 16 tarik uni u bnai. Kamtæ ka seiñ da khut da wer ko ya kiwa chong chnong ka jylla wow ya chimbynta.
Discussion about this post