U G. Pasi ymtoh u Publicity Secretary ka seiñ KJNU : N. Shadap

Jowai: U N. Shadap, President ka Khasi Jaiñtia National Union (KJNU) ha ka khubor da ong u wa u G. Pasi ymtoh u Publicity Secretary ka seiñ KJNU, tangwa jooh man u kam u Publicity Secretary ka seiñ JNU (Jaiñtia National Union) nachwa, tangwa nadooh wa pynkylla pyrtuid ya ka seiñ JNU cha ka KJNU ymjooh ksoh de u ya kani ka kaam wei ymjooh wan u cha ki yalang wei ymtip u leh iyi iyi chaphang ka seiñ.

“Iwa phylla won u yoo wa uni u G. Pasi waroh chi kattu yohthiah u khlem tip iwon iwon chaphang ka seiñ tangwa dang ini khai thiah u wei klam tyrma u khlem sñiawthooh ya ki yurim ka seiñ” da ong ka seiñ.

Chooh chooh da kylli ko leh wa kammon u G. Pasi kam u wa man u kam u Publicity Secretary ka seiñ neibhah wa ka seiñ da em chwa ko ya u Publicity Secretary u Ebhami Suchiang. Da ong ko leh wa uni u bru ym em tipmit ka seiñ ya oo nadooh wa pynkylla yei pyrtuid ka seiñ cha ka KJNU wei ka seiñ da e ko leh ya ki ID cha waroh ki dkhot yong ka.

Da ong ko leh wa i khut yalang u toh du neidaw wa kwah burom u neibhah oo ym jooh mih pyrtuid u ha ki kotkhubor wei yoosar wa kwah u wow tip pyrtuid ki bru oo hadien wa yoo wa ka seiñ da smat bha ko u ku wei da thooh laad u wa kammon u pyndooh mynsien u ya kiwa kreh hapoh ka seiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“U G. Pasi toh u wanrah u ya ki kot ki sla kam ki Identity Card (ID) ka seiñ KJNU wow pynsakhiat wa oo toh u dkhot ka seiñ wei lada ym ye u wow leh yeini hapoh 48 kynta nadooh wa mih kani ka khubor hakhmat kiwa yahkhmat ka seiñ daw pynchitom ko ya oo katkam ka aiñ” da ong ka seiñ.

Hei yatoh wei khut yalang paidbah u da kylli ko wa kammon nood u wow khut ya ka ha yung u hajrong wym em yung krehkaam ka seiñ ka yong ka hi.