Ka Federation of Khasi Jaiñtia & Garo People (FKJGP)-North Khasi Hills, ynne da mih ko wow khang ya ki kari Assam wow wan cha Meghalaya kam ka dak wow pyrchah yei chah pynuiñ ki kari Meghalaya ha Assam.
Ya ini da leh hapoh i yahkhmat u President ka FKJGP- NKH, u Luistar Lyngdoh, kiwa da mih ha sarok ha Baridua 9 Mer wa ha Byrnihat wow khang ya waroh ki kari wa em Number Assam.
U Luistar da ong u wa ka FKJGP-NKH da leh ko yeini neibhah wa chah ktah ki paidbah na Meghalaya kiwa chah khang luti ha ka seiñ ki kari kamai ka Assam, kiwa da khang ya ka luti ha Khanapara wa Jorabat.
Da sñiawkhia u leh yeiwa jia ha Shillong na ka rally ka Khasi Students Union deiwa ong wa ka FKJGP ym sñiaw yahaap wow chah pynthut ha ki seiñ Assam yei lai i wan ki paidbah.
Heijooh i por da pyntip u wa ka seiñ da yaklam ko wa kiwa kitkaam ka NEIPF na Assam tangwa ympu yoh ya iwon iwon i kular.
Discussion about this post