Da pyndep ya ka 1st Round ka 3rd Division ka EJHDFA | Da pynbna leh ya ki Team wa yow u lai chakhmat

Ka 3^rd Division 2026 ka East Jaintia Hills District Football Association (EJHDFA) dapoi ko cha ka sngi wa khad-san ynnin deiwa pynman le tylli ki yalehke kiwa man leh ki yalehke wa khaddooh ka 1^st Round.

Ha ka yalehke wa nyngkong, ka Moopyniein SCSO da rem ko da 2-1 ha ka Nongthymme SC. Ya ka Moopyniein da thap da u Pynchemiki Pohlong ha ka minit wa 74 katwa ya ka Nongthymme da thap da u Kynpham Sympli ha ka minit wa 75 wa u Boldness Muksor ha ka minit wa 80+1.

Ha ka yalehke wa ar, ka Pynurkba Christian SC da rem ko da 2-1 ha ka Umrasong UTD SC. Ya ka Pynurkba da thap da u Wansao Biam ha ka minit wa 53 katwa ya ka Umrasiang da thap da u Suk Dkhar ha ka minit wa 9 wa u Mesar Syrti ha ka minit wa 64.

Ka yalehke wa le da kut ko da 1-1 hapyrdi ka Rymbai SYWO wa ka Marshaphrang YSC Donaskur. Ya ka Rymbai da thap da u Firster Sympli ha ka minit wa 55 katwa ya ka Donaskur da thap da u Phraki Shylla ha ka minit wa 24.

Kamtæ ki Club wa yoh u psiah cha ka Round 16 yong ka EJHDFA 3rd Division 2026 man ki kamni ha wah:

Pool A – Cham Cham SCSC

Pool B – Umkiang Maya Club

Pool C – Youngster SSC Huroi

Pool D – Borghat SCSC

Pool E – Dongumsngad SC Byndihati

Pool F – Umstain SSCC

Pool G – Youth SC Pyrtakuna

Pool H – Tongseng Youth SYSC

Pool I – Moonongtdu SC

Pool J – Rymbai Pohskur SC

Pool K – Wahsarang SC