Iwi i dukan dai baam wa em ha Moosalyngkat, Jowai da chah tooh i ynne heipor kamwa 10:00 waje i step hadooh 11:00 waje haroh chwa wow yoh u wai dukan.
Kini kiwa tooh da psiah ki chapoh ka kamra chet deiwa tympiah ya u tala wei da tooh ki ya kawi ka Oven kawa dang thied thymme kawa chongdor Rs. 13,000 ka wym pu em pynemkaam.
Da antaad wa kini kiwa tooh da wan ki da ka kari deiwa pynyieñ hakhmat kani ka dukan wa em harood sarok mar pyrchah ka loom tlep-bru ka Balang Unitarian Jowai neibhah ym ye u lai wei rahlang wa ka Oven neidaw wa khia ko.
Chooh chooh kini ki bru da sai ki leh ya ki tiar ki tar wa em hapoh ka Fridge deiwa booh ki cha khyndaw dei thmu wow rah deilang wa ka tangwa da ieh ki ka.
Neiliang u tre dukan da kyntu ya ki paidbah wow man kiwa husiar lada em ki bru wa tyrwa dai ya ka Oven ka Panasonic (Dual Magic Grill) wei wow pyntip ki leh cha ki pulit lane deiwa Phone ha ini i Number- 9362233292.
Discussion about this post