Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

U Vice President ka India, u C P Radhakrishnan hei sien wa nyngkong wa wan u cha Shillong, da booh mooyurim u ya ki kreh wa chongdor palat Rs. 1000 klur ha ka yalang wa da pynman ha U Soso Tham Auditorium, Shillong deiwa emlang u Chief Minister, u Conrad K Sangma, ki Deputy Chief Minister deilang ki Montri sorkar chirup wa ki heh ki haaiñ ka sorkar.

U Vice President chwa wow wai ya ki mooyurim da ong u wa ini pynyoo ko yei yatohlok wei krehlang hapyrdi ka sorkar pyrdi wa ka sorkar jylla wei hawa wanrah ya ki kaam pynroi toh u pynneh pynsah leh ya ka bei rymaw, ka dustur riti yow man ki kiwa ye u pynneh pynsah.

Kini ki mooyurim toh i kreh neibynta ka New Shillong Water Supply Scheme, Phase II (Part A) kawa chongdor Rs 850.58 klur kawa wan lyngba ka Urban Challenge Fund, MoHUA.

Ka yingkieñ wa jrong 110 m najrong ka wah Umngot yow pynbi ya ka East Khasi wa West Jaiñtia Hills lyngba u sarok Jongksha-Kharang-Dienglieng-Nongjrong-Moodymmai-Wahiajer, wei kani u chna hei lut wa Rs. 21.86 klur hapoh ka NESIDS.

Kiwi de ki kreh toh ya u sarok na Umsen cha Barapathar lyngba ka Pilangku-A, Jyrmang, Chibra wa Mawiong uwa jrong 13.50 Km hei lut wa Rs 56.01 klur kawa kyrchaan poisa da ka NESIDS.

Related posts

Ngooid ka wah Ganga ya i Mandir wa 150 snem ha West Bengal

September 8, 2026

Ym em silet wei ym paan maap, ong uwa pynyap ya ka kurim | Maham u leh wow pynyap sa ya uwi u bru

September 8, 2026

Neibynta i chait i khiah won toh ka 30-Bedded AYUSH Facility hapoh ka Shillong Civil Hospital wei ya kani u chna hei lut wa Rs 10 klur lyngba ka Ministry of Tribal Affairs, Article 275 (1).

U chan leh ya ka 2×50 MVA, 132/33 kV Substation ha Mawkhanu deilang ka 132 kV D/C Saisiej-Mawkhanu Line wa ka GIS Bay ha Saisiej hei lut wa Rs. 72.00 klur hpaoh ka PM-DEvINE.