Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ha ka yalehke wa nyngkong, ka Bamkamar Myntoilang FC da jop ko ya ka Lumkynter FC da 3-2.
Ya ka Bamkamar Myntoilang FC da thap kool da u Isaiah Suting ha ka minit wa 29, u Batskhem Suting ha ka minit wa 51 wa u Armiki Suting ha ka minit wa 61 katwa ya ka Lumkynter da thap da u Plilad Dkhar ha ka minit wa 13 wa u Tesmi Lyngdoh ha ka minit wa 33.
Ka yalehke wa ar da kut ko da 1-1 hapyrdi ka Mynkrem SC wa ka Lummuriap SC. Ya ka Mynkrem da thap da u Rostar Khynriam ha ka minit wa 26 katwa ya ka Lummuriap da thap da u Overcome Nongrum ha ka minit wa 47.
Ka yalehke wa le da kut ko da 2-2 hapyrdi ka Moodymmai SC wa ka Madur SC. Ya ka Moodymmai da thap da u Philamon Nongpluh ha ka minit wa 9 wa u Max Laloo ha ka minit wa 14 katwa ya ka Madur da thap da u Tyllilang Phawa ha ka minit wa 21 wa 34 min.
Ki yalehke mynstep:
Mainroad SC Wahiajer Vrs Maia Club SC Wahiajer (10AM)
Tympang SC Vrs Mukhla Sohshrieh SC (12PM)
Goodwill SC Mupliang Vrs RC Dreaming Mupliang (2PM)
Discussion about this post