Jowai: Ka Society for Promotion of Tourism, East Jaiñtia Hills District, Khliehriat hei ya krehlang wa ka bor district ka East Jaiñtia Hills daw pynman ko ya ka lympung Discover East Jaiñtia Tourism Festival 2017 ha ki ar sngi ka 24 wa 25 tarik uni u bnai.
Ha ka 24 tarik daw wai ya kani ka lympung ha Khliehriat West Youth Welfare Playground, Khliehriat wei daw em ki pynyoo rong ya ki riam, ki chaad, ki rwai tynre deilang waka yakop miat kynthai wa tip kam ka Miss Lidakha.
Daw yoh ki piadbah u maad leh ya ki baam wa ki jait dih tynre.
Ha ka sngi wa bood daw em ka lai kjat (Trekking) wa tip kam ka East West Eco Trail ka wow sdang na Tuberkmaishnong lyngba ka Pynthor Langtein.
Daw em leh ka Prang River Off Road Bike Rally ka wow sdang nadooh na ka Khliehriat ka wow lai cha Borkhat, Sunapur hadooh wa poi biang cha Khliehriat.
Daw pynkut ya kani ka sngi da ka “All Faith Choir” wa ka Concert heiwa daw em ki dhab tem kam ki The Scores, Melominda, Agape, Enbloc Band wa ka Chyrmang Link.
Ya kani ka Discover East Jaiñtia Tourism Festival 2017 da kyrchaan da ka District Sport Office & District Sport Promotion Society East Jaiñtia Hills, CMYDS, District Art & Culture Society wa ka District Basin Development Unit, Meghalaya Tourism.
Discussion about this post