Ym em yoh kiwa lai puræ MBBS ya ka College wa jied ki, yoh pathan da kiwa khian ka NEET Score

Ka Jaiñtia Students’ Union (JSU) da beiñ ko yei rukum e thaw puræ ya kiwa lai puræ MBBS iwa da pynbna da ka yung krehkaam ka Director of Health Services Medical Education & Research (DME) ka sorkar Meghalaya ynnin ka sngi heiwa kiwa yoh ya ka NEET Score da iwa heh ym em yoh ki ya ka College katkam wa jied ki.

Ka JSU da ong ko wa kiwa yoh u lai puræ da kdaw ki ha kiwon ki College wa kwah ki u lai tangwa kat u mih i pynbna da yoh ki da ki College wym kwah ki.

Em kiwa da jied da ka NEIGRIHMS wei lada ym yoh kani hun ki leh wow yoh ha ka Shillong Medical College lane ha RIMS, Imphal tangwa kat wow pynbna da chem wa kiwa duna ka NEET Score bar ya ki kiwa yoh ha kini ki College.

Kamtæ da ong wa ini da pynsepai ko yei kreh chitom yow poi chakhmat lada ym yoh ki ya ka College wa kwah ki.

Related posts

Chah kem sa uwi u heh ka KSU

September 12, 2026

Deiwa pynkhooid liar i pynchitom ya kiwa na UP kiwa leh pynsih ya ka Homestay ha Shillong

September 12, 2026

Ka JSU da ong ko wa ynnin u snem leh da jia kamni heiwa ka Health Department da kular ko u wanrah ki kyndon krehkaam yow lait u jia biang tangwa ym em leh ki iyi iyi leh.

Hajrong ini da dawa wow pynbait yeini wei wow e ya ka College katkam ka hok wa toh u yoh deiwa pait ya ki NEET Score.