Mynjur ka sorkar wow pynbait yei rukom bhah thaw puræ Doctor | Ki wym hun ya ka College wa yoh ki ye ki wow pyntip cha ka sorkar

Ka Jaiñtia Students’ Union (JSU) ynne da yachem ko wa ka Director of Health Services, Medical Education & Research, Meghalaya, ka Dr. L. Mylliem Umlong yow dawa pynbait yei rukom yabhah thaw puræ MBBS wa BDS heiwa da mynjur ko wow pynbait yeini deiwa pait katkam ki NEET Score.

Ka seiñ da ong ko wa sñiawsih ko u yoo wa sa chisien kiwa yoh Score da iwa heh da chah pyndooh yei hok yong ki wow yoh u lai puræ ha ka thaw puræ wa jied ki.

Da ong wa lada kamni katwon u dooh mynsien kitu kiwa da kreh chitom yow poi chakhmat hawa yei bhah yong ki da e cha kiwi kiwa em rap cha tre.

Ka seiñ da kdaw ko wa kawa yoh NEET Score 439 da yoh ko wow lai puræ ha NEIGRIHMS katwa kiwi kiwa yoh rap heh ya ka ym em yoh ki hawa jied ki ya kani ka thaw puræ.

Related posts

Hiar chuki noh u Metbah kam u Minister ha ka sorkar MDA-II

October 31, 2026

Ki Number Lucky Draw ka Dorbar Chnong Khimusniang

October 31, 2026

Neiliang ka seiñ da dawa ko wa kitu kiwa yoh Score da iwa heh toh u yoh ki u lai puræ ha ka College wa jied ki, da dawa leh u pynbait yeiwa dadep pynbna wei wow pynyoo paidbah leh ya ki kyndon wa da booh hawa yabhah College ya kiwa lai puræ.

Ka JSU da khut ko leh ya kiwa lai puræ ki wym em hun ya ka College wa yoh ki wow thoh ki cha ka sorkar deiwa phah email ha [email protected] hadooh 10:00 waje i miet ynne ka sngi.