Khut ka Fact-Finding Committee wow e dei thoh chwa wow chah khut dei bru heiyatoh wa ka Shree Cement

Ka Fact-Finding Committee kawa da thung da ka sorkar yow takit heiyatoh wa ki kaam yow sdang ya ka karkhana ka Shree Cement Company, heiwa ki kyndon toh yow tih bniah ya kiwa da jia hadooh wa poi cha ka sngi pynman ya ka Public Hearing ha ka 31-07-26 wa pynman da ka Meghalaya State Pollution Control Board.

Yow takit leh hadooh katwon u chah ktah deiwa booh karkhana ka Shree Cement ha East Jaiñtia Hills nadooh i chah ktah ka rymaw, ka imlang sahlang hadooh ki kaam pyrchah aiñ wei wow phah ya ka Report cha ka sorkar.

Da e bor leh ya ka Committee wow khut ko ya kiwa boon kiwa chah ktah wow pynap pynsñiaw ki.

Kamtæ ka Committee da pyntip paidbah ko wa kiwon kiwon nadooh ki bru samen, ki seiñ wa ye ki wow phah da ki kot ki sla lane da ki Soft Copy lyngba ka email deiwa boohlang ki Contact Number ki cha u C.V.D. Diengdoh, IAS, Chairperson ka Fact-Finding Committee & Commissioner & Secretary ka sorkar Meghalaya wei ka tarik wa khaddooh toh hadooh ka 29-09-26.

Related posts

Dawa ki MLA ka UDP wow tipmit ya ki Niamtre Niamkhasi kam ki khian paaid

September 16, 2026

Ar tylli ki Petrol Bomb chah kawang ka yung krehkaam ka DMR

September 16, 2026

Ye leh wow wan dei bru hakhmat ka Committee manda pynbna tarik hadien.

Ya ki kot ki sla ye wow lai e ha ka Room No. 320 ka Meghalaya wei ye leh wow phah da ka email ha [email protected].