25 snem phah kset ka yung bichaar ka East Jaiñtia ya uwa slaitbor ya ka khynnah boonsien

Ka yung bichaar ka B. Khriam, Special Judge (POCSO), East Jaiñtia Hills, Khliehriat da rai pynrem ko ya u Coming Massar hapoh ka kyndon 376(3) ka IPC deilang wa ka kyndon 5(l)/5(n)/6 ka aiñ POCSO Act, 2012 deiwa phah kset oo deiwa pynchitom bha 25 snem deilang ka kuna kawa Rs. 25,000.

Hapoh ka kyndon 506 ka IPC won da phah leh wow kset oo 5 snem deiwa pynchitom joor bha deilang ka kuna kawa Rs. 10,000 tangwa kini ki snem u kheiñlang iwa mut daw hap chong patok u 25 snem.

Ya ini wa jia da takit da ka WPI. O. Tyngkan ka Khliehriat Women PS wei da Charge Sheet ha ka 18-11-21.

Ya ka hukum rai pynrem da pynmih ha ka 31-08-26 heiwa da chem wa u Coming Massar da slaitbor u boonsien nadooh u snem 2019 ya ka khynnah kawa dang hapoh 16 snem tangwa kani ka khynnah ym nood ko wow khana neidaw wa joor tieñ ko ya uni u bru uwa da maham pynyap ka leh.

Khaddooh da chem yeini wa leh u da ki bru waheh ha ka 01-09-20 heiwa da lai booh FIR leh ha ka jooh ka sngi.

Related posts

Wan kawa na Chennai cha Asaam tangwa dooh noh yei mynsien deiwa chah dung ha u chan

September 14, 2026

Chah tooh ka thuk-thuk na Kongong

September 8, 2026

Hei bichaar da chem wa nyngkong ha u snem 2019 uni u bru da sdang u deiwa tba kti khlem akor ya ka khynnah wei hadien wa leh u yeini da maham pynyap u ka wei da wan u cha yung ko dei langær kamtæ da tieñ ko wow khana yeiwa jia.

Ha ka 25 tarik u August 2020 da wan u cha yung kani ka khynnah heipor wa em ko samen heiwa da pyrchang ko u yut tangwa da slaitbor u ka, hadien won ha ka 31 tarik u jooh u bnai da wan biang u cha yung ko heipor wa em ko samen wei da slaitbor u ka deiwa kdong ka hapoh yung hawa pyrchang ko u yut.

Ha kani ka miet manda kylla tarik cha ka 1 tarik heipor 12:30 pyrdi synyaaw da em wa yoo ya u Coming hapoh ka kamra thiah kani ka khynnah, kamtæ da chemdien yeini wa jia heiwa kani ka khynnah leh da nood ko wow khana yeiwa jia.