Iwi i khonboo iwa dang 6 bnai da mynsoo joor i hadien wa chah dait ha uwi u ksaw Pitbull iwa da jia ha Sonipat, Haryana ha Sikka Colony ha ka 14 tarik uni u bnai heiwa da yoh wow riñ yeini waroh da ka CCTV.
Heipor wa jia ini, ya ini i khonboo da rah da ka beikhian wei heini i por da em uwi uwa wai ya ka Gate yung heiwa da mih ar tylli ki ksaw Pitbull heiwa ya uwi da ye u ksoh tangwa uwi da lai u sak wow khyrrup yei khonboo wa rah hadooh wa oor ka kynthai wei da haap i khonboo ha khyndaw.
Kani ka kynthai da chim ko yei khonboo tangwa uni u ksaw da pteiñ wow dait ki hadooh wa hap ko wow pynlait ki heiwa da yarap ki bru wa em chajan deiwa taan ya uni u ksaw tangwa uni u ksaw ym pynlait u wei da taan u deilang wa ini i khonboo.
Da wan leh uwi u bru wa rah wa u kynja naar yow dat ya uni u ksaw uwa da yoh wow dait yei kti ini i khonboo hadooh wa pynlait uni u ksaw.
Ini i khonboo da mih snaam i wei da takha nei bynta i khmat, i ktien, i kti, u kpoh wa kiwi de heiwa da hap soor hadooh 20 thyrnia.
Kani ka beikhian ini i khonboo leh da mynsoo ko heini i pyrchang ko wow yarap yei khonboo.
Yei Video wa jia ini ye phi wow pait heini: https://twitter.com/AnkurSingh/status/2100638076108521967?s=20
Discussion about this post