Ynne ka sngi, ka United Democratic Party (UDP) da dooh ko ya ki 8 ngut ki MLA ko na ki 12 ngut hadien wa psiah ki cha ka Bharatiya Janata Party (BJP) wei da neh ki MLA ka UDP sa du 4 ngut donhi.
Kini ki 4 ngut kynthup ki ya u Minister ka jylla, u Metbah Lyngdoh, u Paul Lyngdoh (West Shillong), u Renikton Lyngdoh Tongkhar (Mawkyrwat) wa u Nujorki Sungoh (Mowkaiaw).
Ki 8 ngut wa mih ynne na ka UDP kynthup ki ya u Lahkmen Rymbui (Amlarem), u Kyrmen Shylla (Khliehriat), u Mathew Beyondstar Kurbah (Mawphlang), u Synshar Kupar Roy Lyngdoh Thabah (Sohiong), u Balajied Kupar Synrem (Shella), u Mayralborn Syiem (Nongpoh), u Pius Marwein (Ranikor) wa u Olan Sing Suin (Mawsynram).
Ya ki 8 ngut da pdiang ha Headquarter ka BJP ha New Delhi hei emlang u Union Minister for Parliamentary Affairs, u Kiren Rijiju, u MP ka BJP u Sambit Patra wa u State President Meghalaya, u Rikman G Momin.
Ini wan i hadien wa kular ka sorkar BJP wow pynbiang yei dawa wa kynthup ya ka ktien Khasi wa Garo ha ka Eighth Schedule, i kyrriah ya ka Harijan Colony na Them Iew Mawlong, u wai mooyong kamjooh wow pdiang ya ka Meghalaya Residents Safety and Security Act (MRSSA).
Ini i psiah ki 8 ngut da pynboon i yei em MLA ka BJP na ki 2 ngut cha 10 ngut ha ka dorbar wa 60 ngut ki MLA ha ka Meghalaya Assembly.
Da ini i psiah ki 8 ngut, ka BJP da rap khlan paaid ko ha ka sorkar wa yahkhmat ka NPP heiwa ye leh wow pynkylliang chuki ya ki Montri deiwa e Montri chooh ya ka neibhah katkam wa man katni em ko du uwi u Montri ha jylla.
Chooh chooh ini da booh i ya ka mynried ka UDP ha la’ær neibhah ym tikna de lada u neh i yoh ko 2 ngut ki Minister ha ka sorkar wa yahkhmat u Conrad K Sangma.
Discussion about this post