Ka Ministry of Finance ka sorkar pyrdi ha ka khubor wa da pynmih da ong ko wa neidaw wa khut pynman ya ka Strike wa le sngi da ka United Forum of Bank Unions (UFBU) itæ nadooh ka 28 hadooh ka 30 tarik uni u bnai wei chwa kini ki tarik da em leh ki sngi chuti ha ka 26 wa 27 tarik kiwa man kam ka Saturday wa Sunday.
Kamtæ yow lait wow chah ktah kiwa emkaam sakhiat ya ki Bank deiwa dooh yei chakri da boon sngi, da phah ya waroh ki Public Sector Bank wa ki Regional Rural Bank wow wai wei krehkaam ki kamwa jooh hi ha ka 27 tarik u September 2026 kawa man leh ka sngi Sunday.
Da pyntip wa ka Reserve Bank of India leh da e ko yei mynjur wa waroh ki chnat ki Bank, ki Office, ki ATM, ki Currency Chest wow man ki kiwa krehkaam ha ka 27 tarik.
Neiliang ka Ministry of Finance da ong ko wa i bha i miat ki paidbah wa pynemkaam ya ki Bank toh iwa em hakhmat dooh deiwa kyntu leh ya ki Union kiwa pynman Strike wow rah tarik yei yakhih yow lait u thut ki paidbah.
Discussion about this post