Ynne i step heipor kamwa 6:40, kawi ka Petrol Pump wa tip kam ka Tyrshi Filling Station kawa em ha Jowai Bypass, Khliehtyrchi da iñ ko.
Mar ya tip yeini, u Station Officer ka Fire Station Jowai Police Reserve da phah u wut-wut ar tylli ki kari wow tymplæh yei diñ.
I diñ da sdang i nei chah tyrrah ka kor thap phñiang (Fuel Dispenser) ha ka Truck wa kit chyiap kawa em Number ML-11A-1483.
Hadien wa takit da chem wa uwa yah ka Truck da ieh u ka khlem tynyap ya ka kor katwa dang thap phñiang wei da lai mihlait u wei heitæ da tooid ko cha ka kor phñiang wa ye u man neidaw wa thut u Handbrake iwa dapoi chei kop diñ hadien wa tyrrah wei kani ka Truck leh da iñ ko.
Ki ar tylli ki kari tymplæh diñ da poi ki na Fire Station Jowai hapoh 15 minit wei da chimpor hadooh 20 minit wow tymplæh yei diñ da i tyrthoo (Foam) wa ka um.
Discussion about this post