La 19 ngut kiwa yap ha Nagaland nei dih yei kiad wa chna tooh

Kamwa 19 ngut ki bru da yap ki ha Nagaland ha ki 2-3 sngi hadien wa dih ki yei kiad wa chna tooh iwa da pynman ya ki pulit ka jylla wow takit bniah yeini. 

Na kini da em 8 ngut wa yap ha Mokokchung District, katwa 11 ngut ha Tuensang District.

Neiliang ka sorkar da thung ko leh ya ka Special Investigation Team (SIT) wow takit yeini wei wow chemdien ya kiwa dai kamjooh kiwa chna ya ini i kiad.

Ya ka SIT u khlieh da u Additional Superintendent of Police, u I. Bunglang Chang, da ong u u Senior Superintendent of Police, u Vesupra Kezo.

Related posts

Chah tooh ki chijur Rs.1 klur hadien wa pynyoorong ya ka spah wei ksiar

September 27, 2026

Booh mooyurim u Lahkmen yow pynchna ya ka Thangbuli Govt. LP School deilang ka madan hei lut wa jan dap ₹ 2 klur | Da wai leh ya ka Library neibynta ki khynnah

September 27, 2026

Hadien ini da lai kynreh ya kiwa boon ki thaw wei da kem ya ki 19 ngut ki bru wei na ki da yoh 3,000 klong i kiad.

Ki bor pulit da kyntu ki ya ki paidbah wym toh u dih ya ki kiad wa khlem pyrtuid wei wow lai cha thaw sumaar lada sñiaw wit hadien wa dih ki.

Ka Nagaland da em ko ka aiñ na ki snem 1990 wow khang u chna næ dih kiad hapoh ka jylla.