Ka United Forum of Bank Unions wa kynthup ya ka AIBEA, AIBOC, NCBE, AIBOA, BEFI, INBEF wa ka INBOC kiwa man ki seiñ kiwa kreh Bank da pyntip ki wa da pynsangeh chwa yei pynman Strike kawa da booh wow pynman ha ka 28 hadooh ka 30 tarik uni u bnai kamjooh ka Indefinite Strike kawa nadooh ka 26 tarik u October.
Ki dawa toh wow kreh 5 sngi chi tayaaw deiwa pynman sngi chuti noh ya waroh ki sngi Saturday, u pynsangeh chwa yei pynkrehkaam ya ka PLI Scheme, u pynkylla yei rukom krehkaam ka PLI wei wow pyndep noh ya ki dawa wa dang sahteiñ.
Hei yachem wa ka Indian Banks’ Association (IBA) ynnin i miet heipor 9:30, da kular wow chimkhia ya kini ki dawa kiwa kreh Bank, kamtæ da rai wow pynsangeh chwa yei yakhih.
Da pyntip leh cha kiwa kreh ka Bank wa daw su ya ki yeiwa da hap kreh ki ynnin ka sngi chuti da ka OT Wages hei dor wa ar chah neiwa toh u su.
Discussion about this post